जालना- सदर बाजार पोलिसांनी दोन दिवसांपूर्वी आझाद मैदान परिसरात असलेल्या” कॅफे समथिंग” या कॉफी शॉप वर छापा मारून नको त्या अवस्थेत काही तरुण-तरुणींना पकडले होते .हे प्रकरण ताजे असतानाच सोमवार दिनांक 21 रोजी एका अठरा वर्षीय तरुणीने सदर बाजार पोलीस ठाण्यात तक्रार दिलेले आहे. आणि या तक्रारीमध्ये तिला ब्लेडचा धाक दाखवून अनेक वेळा बलात्कार केला असल्याचे म्हटले आहे. या बलात्कारातून ही तरुणी दोन वेळा गर्भवती राहिली आणि दोन्ही वेळेस तिचा गर्भपात करण्याचा प्रयत्न तरुणाने केला होता .दरम्यान अवैध गर्भपात असल्यामुळे या युवतीचा रक्तस्त्राव जास्त झाल्याने हे प्रकरण बाहेर आलेआहे. सध्या या बलात्कार प्रकरणातील आरोपी अनिस पठाण राहणार पिरकल्याण हा फरार आहे हा फरार आहे.
जालना शहरातील खरपूडी रोडवर असलेल्या लक्ष्मीनगर भागातील एका 19 वर्षीय तरुणी महाविद्यालयीन शिक्षण घेऊन एका कोचिंग क्लासमध्ये अकाउंटंट म्हणून काम पाहते. सदर तरुणीचे वडील बांधकाम व्यवसायांना मजूर पुरवठा करण्याचे काम करतात. सदर तरुणीच्या वडिलांच्या मित्राचा मुलगा असलेला सोहेल अनिस पठाण (रा. पिरकल्याण) हा तिच्या वडिलांच्या मजूर सप्लायच्या व्यवसायात मदत करण्यासाठी कामाला होता.सदर तरुणीच्या वडिलांनी लावलेला फोन उचलत नसल्याने त्यांनी आपल्या मुलीच्या मोबाईलवरून सोहेल यास फोन लावला होता. आयती संधी साधून तरुणीचा मोबाईल नंबर मिळाल्याने सोहेलने तिच्यावर प्रेमाचे जाळे टाकले होते.सदर तरुणीला वारंवार फोन करून प्रेमाच्या जाळ्यात अडकविल्यानंतर सोहेलने आझाद मैदानजवळ असलेल्या थिंकिंग कॅफे कप या शॉपमध्ये नेऊन लग्नाचे आमिष दाखवून दोन वेळा बलात्कार केला. 8 मार्च आणि 14 एप्रिल रोजी थिंकिंग कॅफेमध्ये जाऊन तिथे प्रत्येकवेळी 500 रुपये भरून कंपार्टमेंट खोली घेऊन बळजबरीने बलात्कार केला. या बलात्कारानंतर सदर तरुणीला गर्भधारणा झाली, ही बाब तिने सोहेलला सांगितली होती.त्यावेळी 3 जून रोजी सोहेलने तिला गर्भपाताच्या गोळ्या परस्पर आणून दिल्या होत्या. या गोळ्यानेही गर्भपात न झाल्याने पुन्हा त्याने तिला 10 जुलै रोजी आणि 11 ऑगस्ट रोजी अशा तीन वेळा गर्भपात होण्याची गोळ्या-औषधी आणून दिली होती.
डॉक्टरांच्या सल्ल्याशिवाय औषधी घेतल्यामुळे सदर मुलींला मोठ्या प्रमाणात रक्तस्राव होऊन, तिची प्रकृती बिघडली होती.त्यांनतर सोहेलने तिला छत्रपती शिवाजी महाराज चौकातील एका खाजगी रुग्णालयात दाखल केले व तिथून तो गायब झाला. रात्री उशिरापर्यंत सोहेल रुग्णालयात न आल्यामुळे घाबरलेल्या तरुणीने आपल्या आई- वडिलांना फोन करून रुग्णालयात बोलावून घेतले.रुग्णालयात तरुणीवर उपचार केल्यानंतर व तिची प्रकृती सुधारल्यानंतर काल सोमवारी रात्री उशिरा तिने सदर बाजार पोलीस ठाण्यात तक्रार दिली.याप्रकरणी आरोपी सोहेल पठाण याच्याविरुद्ध 376, 376(2) (एन), 315, 506 कलमान्वये गुन्हा दाखल करण्यात आला असून, पुढील तपास पिंक मोबाईल पथकाचे सहायक पोलीस निरीक्षक इंगेवाड करीत आहेत.
edtv jalna news App on play store,
web-edtvjalna.com
you tube-edtvjalna
Dilip Pohnerkar-9422219172
