जालना- चार चाकी वाहनांची चोरी झाल्यानंतर अनेक वेळा ही वाहने सापडतच नाहीत या वाहनांची तोडफोड करून इतर राज्यात विकले जातात. असाच गोरख धंदा बुलढाणा जिल्ह्यातील धाड करडी येथील एक कुटुंब करत होतो. दरम्यान जालन्यात दिनांक 10 ऑगस्ट रोजी चोरी गेलेल्या एका चार चाकी वाहनामुळे या परिवाराचा हा गोरख धंदा उघडकीस आला आहे आणि” मास्टर की” च्या माध्यमातून वाहने चोरणारे हे पाच “मास्टर माईंड” स्थानिक गुन्हा शाखेच्या जाळ्यात सापडले आहेत. एवढेच नव्हे तर ते गाडीची चोरी कसे करायचे याची रंगीत तालीम ही त्यांनी पोलीस अधिकाऱ्यांना करून दाखवली.
सदर बाजार हद्दीतून पंजाबराव शेषराव पवार, राहणार वंश ब्लूबेल्स सोसायटी जालना यांची स्विफ्ट कंपनीची कार दिनांक 10 ऑगस्ट रोजी रात्री अज्ञात चोरट्यांनी चोरून नेली होती. याप्रकरणी गुन्हा दाखल झाल्यानंतर स्थानिक गुन्हा शाखेच्या पोलिसांनी तपासाची चक्रे फिरवली. त्यादरम्यान त्यांना गोपनीय माहिती मिळाली आणि आरोपी शेख अफजल शेख दाऊद वय 22 वर्ष राहणार धाड करडी तालुका बुलढाणा हल्ली मुक्काम गुलशन नगर, चिखली जिल्हा बुलढाणा, याने त्याच्या इतर साथीदारांसह ही कार चोरी केल्याची माहिती मिळाली .त्या अनुषंगाने पोलिसांनी चिखली येथे जाऊन आरोपीला ताब्यात घेतले असता पोलिसांना इतरही आरोपी हाती लागले आहेत. त्यामध्ये शेख फरदीन शेख युसूफ,वय 19 वर्ष ,राहणार संजय नगर देऊळगाव राजा, शेख दाऊद उर्फ बब्बू शेख मंजूर वय 56 वर्ष, शेख राजा शेख दाऊद वय 24 वर्ष ,अरबाज शेख दाऊद वय अठरा वर्ष, हे सर्व धाड करडी तालुका बुलढाणा जिल्हा बुलढाणा हल्ली मुक्काम गुलशन नगर चिखली जिल्हा बुलढाणा येथे राहत आहेत. त्यांच्याकडून चोरी गेलेली स्विफ्ट डिजायर आणि आरोपी यांनी गुन्ह्यात वापरलेली महिंद्रा कंपनीची एक्स यु व्ही 300 तसेच बनावट चावी तयार करण्यासाठी ऑनलाईन मागविलेले सॉफ्टवेअर आणि इतर साहित्य असे एकूण नऊ लाख 80 हजार रुपयांचा मुद्देमाल स्थानिक गुन्हा शाखेच्या पोलिसांनी जप्त केला आहे. विशेष म्हणजे या प्रकरणातील आरोपी हे सराईत चार चाकी वाहन चोर आहेत आणि त्यांच्यावर विविध पोलीस ठाण्यांमध्ये गुन्हे दाखल आहेत .आरोपीचा एका मुलाला बीड पोलिसांनी अटक केली आहे आणि त्याच्या जमानतीसाठी पैसे जमवाजमव करण्याच्या उद्देशाने त्यांनी आणखी वाहन चोरी करून ते विकण्याचा धंदा सुरू केला होता. या प्रकरणाचा तपास पोलीस अधीक्षक तुषार दोशी, अप्पर पोलीस अधीक्षक राहुल खाडे ,यांच्या सूचनेवरून स्थानिक गुन्हा शाखेचे पोलीस निरीक्षक रामेश्वर खानाळ ,सहाय्यक पोलीस निरीक्षक आशिष खांडेकर, पोलीस उपनिरीक्षक प्रमोद बोंडले, गोकुळसिंग कायटे ,विनोद गडदे, कृष्णा तंगे ,सचिन चौधरी, लक्ष्मीकांत आडेप ,देविदास भोजने ,कैलास चेके आदी कर्मचाऱ्यांनी लावला.
edtv jalna news App on play store,
web-edtvjalna.com
you tube-edtvjalna
Dilip Pohnerkar-9422219172
