जालना. सेवानिवृत्त झालेल्या कर्मचाऱ्यांच्या सेवानिवृत्ती विषयीच्या अडचणी सुटता सुटत नाहीत. विशेष करून जिल्हा परिषदेमध्ये अशा प्रकारच्या अनेक अडचणी आहेत आणि एकदा सेवानिवृत्त झाल्यानंतर त्याच जिल्हा परिषदेचे कर्मचारी त्यांच्याच कर्मचाऱ्यांच्या समस्यांकडे दुर्लक्ष करतात. हे शासनाच्या लक्षात आल्यानंतर वरिष्ठ कार्यालयाने दिलेल्या आदेशामुळे दिनांक सात जुलै रोजी जिल्हा परिषदेमध्ये जिल्हा परिषदेच्या सेवानिवृत्त कर्मचाऱ्यांसाठी पेन्शन अदालत आयोजित केली होती. मात्र अचानक हा कार्यक्रम पुढे ढकलल्यामुळे पुन्हा एकदा या सेवानिवृत्तांची तारांबळ उडणार आहे .पेन्शन अदालत मध्ये तक्रार दिल्यानंतर ती लवकर सुटेल अशी भोळी भाबडी अशा तक्रार देण्यापूर्वीच धुळीत मिळाली आहे .ज्या पेन्शनधारकांपर्यंत तारीख लांबल्याची माहिती पोहोचणार नाही अशा अनेक पेन्शन धारकांना उद्या जिल्हा परिषदेमध्ये येऊन विनाकारण मानसिक त्रास सहन करावा लागणार आहे आणि आत्तापर्यंत मारलेल्या चकरा नंतर पुन्हा एकदा वनवास सहन करावा लागणार आहे. दरम्यान या अदालतीमध्ये थेट म्हणजेच आयत्या वेळेसच तक्रारी देण्याचे नियोजन असल्यामुळे जिल्हा परिषदेच्या वतीने संबंधित तक्रारदाराशी संपर्कही साधता येत नाही. या संदर्भात सूत्रांनी दिलेल्या माहितीनुसार सामान्य प्रशासनाचे उपमुख्य कार्यकारी अधिकारी कार्यालयीन कामानिमित्त बाहेरगावी असल्यामुळे ही तारीख पुढे ढकलली असल्याचे सांगून संबंधित संघटनेचे अध्यक्षांना तसे कळवले असल्याचे सांगून अधिकाऱ्यांनी हात वर केले आहेत.
औरंगाबाद विभागीय आयुक्त कार्यालयातील आस्थापना उपायुक्त यांनी सेवानिवृत्त झालेल्या कर्मचाऱ्यांच्या तक्रारी निकाली काढण्याबाबत निर्देश दिले आहेत. त्यानूसार दि. 7 जुलै 2023 रोजी सकाळी 11.00 वाजता पेन्शन अदालतीचे आयोजन करण्यात आले होते. तथापि अपरिहार्य कारणास्तव आता पेन्शन अदालत मंगळवार, दि. 11 जुलै 2023 रोजी सकाळी 11.00 वाजता जालना जिल्हा परिषदेतील यशवंतराव चव्हाण सभागृहात आयोजित करण्यात आली आहे. पेन्शन अदालतीसाठी सेवानिवृत्तांनी, कुटुंबनिवृत्ती वेतन धारकांनी प्रकरणाच्या माहितीसह उपस्थित रहावे, असे आवाहन उपमुख्य कार्यकारी अधिकारी (सा), जिल्हा परिषद, जालना यांनी केले आहे.
ताज्या बातम्या पाहण्यासाठी https://edtvjalna.com https://play.google.com/store/apps/details?id=com.jalna.edtv दिलीप पोहनेरकर,9422219172
