जालना- धुळे जिल्ह्यातील सोनगीर पोलीस स्टेशन अंतर्गत 25 एप्रिल रोजी तलवारींचा मोठा साठा सापडला होता आणि या साठ्यामध्ये जालन्यातील चार आरोपी निष्पन्न झाले होते. त्या अनुषंगाने जालना जिल्हा पोलीस खडबडून जागे झाले असून साठ्याचा याचा शोध घेत आहेत. त्याचाच एक भाग म्हणून आज चंदंनजिरा, सुंदर नगर परिसरात स्थानिक गुन्हे शाखा आणि चंदंनजिरा पोलिसांनी संयुक्तरित्या छापा मारला आणि दोन तलवारी जप्त करून दोघांना ताब्यात घेतले आहे.
विशेष म्हणजे दोन तलवारी पैकी एक तलवार जुनी आहे तर एक नवीन तलवार आहे. या नवीन तलवारीवर तीस वर्षाची गॅरंटी देखील दिलेली आहे. तलवारी वर लिहिलेल्या मजकूर नुसार “सीरोही की तलवार, 30 साल गॅरंटी” अशा स्पष्ट अक्षरात लिहिलेला आहे. परंतु गॅरंटी कशाची हे मात्र सांगितले नाही.
अशाच प्रकारची तक्रार चंदंनजिरा पोलीस ठाण्याचे सहाय्यक पोलीस निरीक्षक संदीप सावळे यांनी दिली असून सुंदर नगर भागात राहणाऱ्या अंकुश नारायण मिरकुटे वय 30, वैशाली किराणा दुकानाच्या जवळ, यालाही विश्वासात घेऊन चौकशी केली असता त्याच्याकडे देखील एक 84 सेंटीमीटर लांबी ची तलवार सापडली आहे. अंकुश मिरकुटे याच्याविरुद्ध देखील भारतीय हत्यार कायद्यान्वये गुन्हा दाखल करण्यात आला आहे. दोन्ही आरोपींना चंदंनजिरा पोलिसांनी ताब्यात घेतले आहे .
एम.डी. पोहनेरकर
8275950190
https://play.google.com/store/apps/details?id=com.jalna.edtv
www.edtvjalna.com
