Edtv News चा अंदाज ठरला खरा; जिल्ह्यात शांततेत 65 टक्के मतदान ;टक्केवारी वाढण्याची शक्यता

EdTvMay 13, 2024

609 Less than a minute

जालना- जालना जिल्ह्यात लोकसभा मतदारसंघासाठी आज शांततेत मतदान झाले. संध्याकाळी सात वाजेपर्यंत 65.66% एवढे मतदान झाले होते. संध्याकाळी सात वाजेपर्यंत काही मतदान केंद्रांवर मतदान सुरूच होते. त्यामुळे उद्या दुपारी अंतिम आकडा कळणार आहे. दरम्यान आज सकाळी दहा वाजेच्या सुमारास मतदान केंद्रांना प्रत्यक्ष भेटी देऊन मतदान 65 टक्के च्या सुमारास होईल असा अंदाज ईडीटीव्ही न्युजच्या वतीने व्यक्त करण्यात आला होता, आणि त्या संदर्भात बातमीही प्रसिद्ध करण्यात आली होती. एकंदरीत मतदानाची सर्व प्रक्रिया कशी झाली याविषयी जिल्हाधिकारी डॉ. कृष्णा पांचाळ यांनी पत्रकार परिषदेत माहिती दिली. यावेळी पोलीस अधीक्षक अजय कुमार बंसल, उपजिल्हा निवडणूक अधिकारी शशिकांत हदगल यांचीही उपस्थिती होती.