Advertisment
Jalna Districtजालना जिल्हा

अल्पवयीन विवाहितेने प्रियकरासोबत आधी ठोकली धूम आणि नंतर केला बलात्काराचा आरोप

जालना- वडिलांनी अल्पवयीन मुलीचा विवाह लावून दिल्यानंतर ही नववधू पहिल्यांदा  माहेरी आली आणि पुन्हा जुन्या प्रियकराशी संपर्क साधून दोघांनी धूम ठोकली ती थेट हैदराबाद पर्यंत. हैदराबाद येथे बस्तान बसविण्याची तयारी करत असतानाच विवाहितेला माहेरची आठवण सतावू लागली आणि तिने जालन्याला येण्याचा हट्ट धरला . प्रेमवीराने हा हट्ट पूर्ण करण्यासाठी जालन्याकडे रवाना झाला, छत्रपती संभाजीनगर येथे या मुलीच्या नातेवाईकांची आणि मुलीची भेट झाली. तिला समजावण्याचा प्रयत्न केला आणि शेवटी याच नव वधूने ज्या प्रियकरा सोबत धूम ठोकली होती त्याच्या विरोधातच बलात्कार केल्याचा आरोप करून कदीम जालना पोलीस ठाण्यात गुन्हा दाखल केला आहे.

जालना शहरातील औद्योगिक वसाहतीतील एका कामगार व्यक्तीने आपली 16 वर्षाची मुलगी शिक्षणासाठी धारकल्याण (ता. जालना) येथे बहिणीकडे ठेवली होती. सदर मुलीचे महेश घोडके (वय २०, रा. धारकल्याण) याच्यासोबत प्रेमसंबंध जुळले होते. या प्रेमप्रकरणाची कुणकुण लागताच, सदर मुलगी अल्पवयीन असतानादेखील वडिलांनी अंबड तालुक्यातील आपल्या मूळगावी 31 मे 2024 रोजी नात्यातीलच एका मुलासोबत कुंकू-टिळ्याच्या कार्यक्रमातच तिचे लग्न उरकले होते. लग्नाच्या तिसऱ्या दिवशी सदर मुलगी 2 जून रोजी माहेरी जालना येथे येती-जातीच्या कार्यक्रमासाठी आली होती. जालन्यात माहेरी आल्यानंतर सदर नववधू आणि तिचा पूर्वीचा प्रियकर महेश घोडके यांचा मोबाईलवरून पुन्हा संपर्क सुरू झाला आणि त्यांनी 12 जून रोजी पळून जाण्याची तयारी केली.नव वधूने12 जून 2024 च्या दुपारी 4 वाजेच्या सुमारास बाहेरगावी गेलेल्या वडिलांना मोबाईल लावून, “मी ब्लॉऊज आणण्यासाठी जात आहे” असे सांगून, ती गायब झाली.आई-वडील आणि नातेवाईकांनी मुलीचा खूप शोध घेतला मात्र, ती कुठेच सापडली नाही..
त्यांनतर दोन दिवसांनी 14 जून रोजी वडिलांनी कदीम जालना पोलीस ठाण्यात तक्रार दिली , त्यावरून, मुलीच्या प्रियकरासह त्याच्या काही मित्रांविरुद्ध गुन्हा दाखल झाला.
याप्रकरणाचा तपास कदीम जालना पोलीस आणि पिंक मोबाईल पथक यांनी संयुक्तिकरित्या केला.
पोलिसांनी तपासादरम्यान, मुलीच्या प्रियकराच्या मित्राची चौकशी केली असतांना, 12 जून रोजी प्रियकर महेश घोडके हा सदर मुलीला मोतीबाग येथून मोटारसायकलवरून घेऊन, परभणीला गेला आणि परभणी येथून रेल्वेने हैद्राबाद येथे गेल्याची माहिती मिळाली . महेश घोडके आणि त्याच्या प्रेयसीने हैद्राबाद येथे एका ठिकाणी खोली किरायाने घेऊन तिथेच संसार थाटण्याचा विचार केला होत.दरम्यान, सदर अल्पवयीन मुलीने परत जालन्याला जाण्याचा दोन दिवसांनी तगादा लावल्याने ते दोघे परत रेल्वेने काल छत्रपती संभाजीनगर येथे आले होते. पोलीस आणि नातेवाईकांनी या दोघांची समजूत काढून जालन्यात आणले. दरम्यान, हैद्राबाद येथे किरायाच्या खोलीत महेश घोडके याने बलात्कार केल्याचा सदर मुलीने पोलिसांना जवाब दिल्यावरून गुन्ह्यामध्ये बलात्काराचे कलम वाढविण्यात आले आहे. अटकेत असलेल्या प्रियकर महेश घोडके यास न्यायालयाने चार दिवसाची पोलीस कोठडी सुनावली आहे.

https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172

दिलीप पोहनेरकर 9422219172,https://play.google.com/store/apps/details?id=com.jalna.edtv ,www.edtvjalna.com

Related Articles

Back to top button