“ज्ञानराधाचे” संस्थापक अध्यक्ष सुरेश कुटे आणि संचालक आशिष पाटोदेकर बीड कारागृहातून जालन्याच्या आर्थिक गुन्हा शाखेच्या ताब्यात

जालना- बीड येथे मुख्य शाखा असलेल्या ज्ञानराधा मल्टीस्टेट को-ऑपरेटिव्ह क्रेडिट सोसायटी या वित्तीय संस्थेने मराठवाड्यात विविध ठिकाणी शाखा उघडल्या. या शाखेच्या माध्यमातून गुंतवणूकदारांनी केलेली गुंतवणूक परत करू शकले नाहीत. त्यामुळे अनेक ठिकाणी या संचालक मंडळाविरुद्ध गुन्हे दाखल झाले आहेत. माजलगाव येथे दाखल झालेल्या गुन्ह्यात या संस्थेचे संस्थापक अध्यक्ष सुरेश ज्ञानोबा कुटे वय 48 वर्ष राहणार कुटेवाडी जिल्हा बीड, आणि संचालक आशिष पद्माकर पाटोदेकर वय 32 राहणार पाटोदा यांना अटक करून न्यायालयात हजर केले असता त्यांची बीड कारागृहात रवानगी करण्यात आली होती.
अशाच प्रकारची फसवणूक केल्याचा गुन्हा जालना जिल्ह्यातील अंबड पोलीस ठाण्यात दाखल झाला होता आणि त्यानंतर पूर्ण जिल्ह्यामध्ये गुंतवणूकदारांमध्ये खळबळ उडाली आणि सर्वांनीच जालना येथील आर्थिक गुन्हे शाखेकडे आपल्या तक्रारी नोंदवल्या आहेत .आजच्या परिस्थितीमध्ये सुमारे साडेनऊशे तक्रारींची नोंद इथे करण्यात आली आहे. आर्थिक गुना शाखेच्या कार्यालयासमोर पायऱ्यावर बसून अनेक गुंतवणूकदार आपली तक्रार नोंद होत आहेत. जालन्यातील हा आकडा 40 कोटींच्या आसपास जात आहे.
दरम्यान या सर्व प्रकरणाचा तपास लावण्यासाठी आणि एकूणच सर्व चौकशी करण्यासाठी जालन्याच्या आर्थिक गुन्हा शाखेचे उपाधीक्षक रमेश जायभाये यांनी तपासी अधिकारी सहाय्यक पोलीस निरीक्षक गणेश सुरवसे यांच्यावर ही जबाबदारी सोपवली आणि श्री. सुरवसे यांनी न्यायालयाकडून परवानगी घेऊन या प्रकरणातील आरोपी सुरेश कुटे आणि आशिष पाटोदेकर या दोघांना बीड कारागृहातून शुक्रवारी रात्री आठ वाजेच्या सुमारास जालन्यात आणले आहे. आर्थिक गुन्हा शाखेच्या कार्यालयात हजर केल्याबरोबर त्यांची वैद्यकीय तपासणी करण्यात आली आणि यावेळी डॉक्टरांनी दोन्ही आरोपींची तब्येत उत्तम असल्याचे सांगितले आहे. आज या दोघांना न्यायालयात हजर केले जाणार आहे.
आर्थिक गुन्हा शाखेचे कर्मचारी समाधान तेलंग्रे, गोकुळसिंग कायटे, चंद्रशेखर मांटे, रवी गायकवाड, गजू भोसले, फुलचंद घुसिंगे, निमा घनघाव, मंदा नाटकर, जया निकम, रामसिंग चव्हाण हे सर्वजण या ज्ञानराधा मल्टीस्टेट को-ऑपरेटिव्ह क्रेडिट सोसायटीच्या फसवणुकी संदर्भात तपास कामी कार्यरत आहेत.
यापूर्वी पैठण पोलीस ठाण्यात देखील ज्ञानराधा विरुद्ध फसवणुकीचा गुन्हा दाखल झाला आहे आणि ही रक्कम 25 कोटी 32 लाखांची असल्याचे तक्रारीत म्हटले आहे.
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172