गजकेसरी स्टील कारखान्यात स्फोट; वीस कामगार जखमी, तीन गंभीर

EdTvAugust 24, 2024

1,223 Less than a minute

जालना- येथील औद्योगिक वसाहत परिसरात असलेल्या लोखंडी सळ्याचे उत्पादन करणाऱ्या “गजकेसरी स्टील “या कारखान्यामध्ये आज शनिवार दिनांक 24 रोजी दुपारी तीन वाजेच्या सुमारास मोठा स्फोट झाला .कारखान्यात झालेल्या या स्फोटामुळे प्रचंड आवाज झाला आणि आजूबाजूला धुळीमुळे अंधारही पसरला .या अपघातामध्ये 20 कामगार जखमी झाले आहेत आणि तीन कामगार गंभीर जखमी झाले आहेत अशी प्राथमिक माहिती बाहेर आली आहे. जखमी कामगारांना शहरातीलच एका खाजगी रुग्णालयात भरती करण्यात आले आहे. या संदर्भात कारखाना व्यवस्थापनाकडून अद्याप पर्यंत अधिकृत कोणतीही माहिती देण्यात आलेली नाही. दरम्यान या अपघाताची पाहणी पोलीस अधीक्षक अजय कुमार बंसल यांनी केली आहे.