जालना- जालना शहरामध्ये सकल हिंदू समाजाच्या वतीने आज सोमवार दिनांक 23 रोजी मूक मोर्चा आणि बंदचे आयोजन करण्यात आले होते. या दोन्ही गोष्टींना जालन्यामध्ये अभूतपूर्व प्रतिसाद मिळाला आहे. दिनांक 19 सप्टेंबर रोजी मुस्लिम समाजाच्या वतीने ईद मिलादुन्नबी निमित्त मिरवणूक काढण्यात आली होती . या मिरवणुकीत हिंदूंच्या दोन दुकानांची तोडफोड करण्यात आली होती. या घटनेच्या निषेधार्थ सकल हिंदू समाजाच्या वतीने पक्ष विरहित ,राजकारण विरहित आज मूक मोर्चा काढण्यात आला. आणि बंदही पुकारण्यात आला होता.बडी सडक येथील श्रीराम मंदिरामध्ये महाआरती करून या मोर्चाला सुरुवात झाली आणि जुन्या जालन्यातील गांधीचामन येथे हनुमान चालीसा पठणाने या मोर्चाचा समारोप झाला.
दरम्यान जालनाच्या तहसीलदार श्रीमती छाया पवार यांनी हिंदू समाजाचे निवेदन स्वीकारले. यावेळी उपविभागीय पोलीस अधिकारी अनंत कुलकर्णी यांचीही उपस्थिती होती. निवेदनामध्ये विविध 15 मागण्या करण्यात आल्या आहेत .त्यामध्ये प्रामुख्याने दिनांक 19 रोजी ईद निमित्त काढण्यात आलेल्या मिरवणुकीमध्ये प्रभू श्रीरामाबद्दल अश्लील आणि अपमान जनक गाणे वाजवणार्‍यावर कारवाई करावी. भारतात राहून इतर देशांचे झेंडे फडकवणाऱ्यावर देशद्रोहाचा गुन्हा दाखल करावा. उत्तर प्रदेशाप्रमाणेच बुलडोझरची कारवाई करावी. शहरांमध्ये रस्त्यावर नागरिकांना त्रास देणारे झेंडे काढावेत .विविध ठिकाणी सुरू असलेले बेकायदेशीर मदरसे आणि मज्जिद हटवावी, चंदंनजिरा ,कन्हैया नगर ,दुखी नगर, रेल्वे स्टेशन आदी भागांमध्ये बांगलादेशी अवैधपणे राहत आहेत त्यामुळे हिंसक वृत्ती वाढत आहे त्यांचा बंदोबस्त करावा. मुथा बिल्डिंग परिसरात वाहतुकीला अडथळा निर्माण करणारी रस्त्यावरील दुकाने हटवावीत. रात्री 11 नंतर चौकाचौकात जमा होणाऱ्या टोळक्यामुळे दहशतीचे वातावरण निर्माण होत आहे त्याला पायबंध घालावा. बाजारात खरेदी करण्यासाठी गेलेल्या हिंदू महिलांची छेड काढल्या जाते, त्यांच्याबद्दल द्विअर्थी शब्द वापरून त्यांच्या मनाला लज्जा वाटेल असे बोलले जाते .या सर्व गोष्टीचे चित्रीकरण पोलिसांना देऊनही पोलीस कारवाई करत नाहीत अशा लोकांवर कारवाई करावी अशा एकूण 15 मागण्यांचा यामध्ये समावेश आहे.
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172
