जालना- सेवानिवृत्तीनंतर आपल्या हक्काचे पैसे मागायला गेलेल्या कर्मचाऱ्याला जुन्या सहकाऱ्यांनी धनादेश देण्यासाठी त्रास दिला. एवढ्यावरच न थांबता मिळणारी लाखो रुपयांची रक्कम पाहून आपल्यालाही काही हिस्सा मिळावा या उद्देशाने दीड लाख रुपयांची लाच मागितली. परंतु सेवानिवृत्त झालेल्या या कर्मचाऱ्यांची लाच देण्याची इच्छा नसल्याने त्याने लाचलुचपत प्रतिबंधक विभागाकडे दिनांक 30 जुलै रोजी तक्रार नोंदविली आणि या तक्रारीच्या अनुषंगाने लाचलुचपत प्रतिबंधक विभागाने गुरुवार दिनांक 6 रोजी छापा मारून दीड लाख रुपयांची लाच घेताना पाच जणांना रंगेहत पकडले आहे. विशेष म्हणजे ही संस्था एका प्रतिष्ठित समजल्या जाणाऱ्या राजकीय नेत्याची आहे.
जालना येथील महात्मा ज्योतिबा फुले समाजकार्य महाविद्यालय प्रबंधक या पदावरून एक कर्मचारी विहित वयोमानानुसार दिनांक 30 जुलै 2025 रोजी सेवानिवृत्त झाले आहेत. त्यांच्या सेवा काळातील 300 दिवसांची अर्जित रजा मंजूर करून या रजेच्या बदल्यात, आणि इतर लाभांच्या बदल्यात शासनाकडून मिळणाऱ्या 933,408 रुपयांचा धनादेश संस्थेकडून येणे बाकी होता. हा धनादेश देण्यासाठी या प्रकरणातील आरोपी प्राचार्य राहुल नारायण हिवाळे वय 53 वर्ष, अधीक्षक बबन रामदास राठोड व 51 वर्ष राहणार तुपेवाडी तांडा तालुका बदनापूर, पहारेकरी ईश्वरदास अंबादास शिंदे वय 48 राहणार माऊली नगर रो हाऊस जालना, लिपिक कैलास गबाजी कुरंगळे राहणार गोकुळधाम सोसायटी इंदेवाडी, ग्रंथालय सहाय्यक ज्ञानेश्वर मुरलीधर मदन व 51 वर्ष राहणार माऊली नगर जालना या पाच जणांनी दीड लाख रुपयांची लाच मागितली.
सविस्तर आणि ताज्या बातम्या पाहण्यासाठी www.edtvjalna.com ला भेट द्या!
■आपल्या edtv news या you tube ला सबस्क्राईब करा.
■खलील लिंक वापरून आपल्या व्हाट्सअप्प चॅनल ला कनेक्ट व्हा.https://whatsapp.com/channel/0029Va9fkuo4Y9ljnnBTX80w
■दिलीप पोहनेरकर,
9422219172
