जालना -18 -लोकसभा मतदारसंघ जालना मध्ये होणारे मतदान, मतदानाविषयी विशेष बाबी,पात्रता, अनामत रक्कम, या सर्व गोष्टींची इत्यंभूत माहिती असणारे हे बातमीपत्र.
निवडणुकीला उभे राहण्यासाठी लागणारी पात्रता उमेदवार भारतीय नागरिक असावा, वय पंचवीस वर्षापेक्षा जास्त असावे, उमेदवाराचे नाव भारतातील कुठल्याही मतदारसंघात नोंदविलेले असावे ,तर सुचकाचे नाव हे जालना लोकसभा मतदारसंघातील यादीत नोंदविलेले असावे, उमेदवार आपले नाम निर्देशन पत्र निवडणूक निर्णय अधिकारी कार्यालय तथा जिल्हाधिकारी कार्यालय जालना यांच्या कार्यालयामध्ये समक्ष दाखल करू शकतो, अर्जासोबत सर्वसाधारण उमेदवारांसाठी अनामत रक्कम म्हणून पंचवीस हजार रुपये ,तसेच अनुसूचित जाती अथवा अनुसूचित जमाती वर्गातील उमेदवारासाठी साडेबारा हजार रुपये एवढी रक्कम निवडणूकीत आयोगाद्वारे निश्चित करण्यात आलेली आहे.
जालना मतदारसंघाचा कार्यक्रम आणि रचना 18 एप्रिल ला अधिसूचना जारी होणार, 25 एप्रिलला नामनिर्देशन पत्र दाखल करण्याची अंतिम तारीख, 26 एप्रिल ला नामनिर्देशन पत्राची छाननी, 29 ला अर्ज मागे घेण्याची अंतिम तारीख, 13 मे मतदान, चार जूनला मतमोजणी, 6 जूनला निवडणूक प्रक्रिया पूर्ण.
अशी आहे मतदार संघाची रचना जालना लोकसभा मतदारसंघांमध्ये खालील विधानसभा मतदारसंघ येतात. त्यामध्ये जालना बदनापूर, भोकरदन ,सिल्लोड, फुलंब्री, आणि पैठण या सहा मतदारसंघाचा समावेश आहे. जालना लोकसभा मतदार संघाची लोकसंख्या पुरुष दहा लाख 18 हजार 251, यामध्ये जालना एक लाख 70 हजार 605, बदनापूर एक लाख 66 हजार 986 ,भोकरदन एक लाख 61 हजार 183 ,सिल्लोड एक लाख 76 हजार 256 ,फुलंब्री एक लाख 80 हजार 876, पैठण एक लाख 62 हजार 345 .स्त्री मतदार नऊ लाख 16 हजार 319 एवढी आहे .त्यामध्ये जालना विधानसभा मतदारसंघ एक लाख 50 हजार 456 ,बदनापूर एक लाख 52 हजार 97, भोकरदन एक लाख 47 हजार 157 ,सिल्लोड एक लाख 57 हजार 814 ,फुलंब्री एक लाख 62 हजार 446 ,पैठण एक लाख 46 हजार 394 ,तृतीयपंथी 51 तृतीय पंथीयांमध्ये सर्वात जास्त मतदार हे जालना विधानसभा मतदारसंघात 35 एवढे आहेत ,बदनापूर चार ,सिल्लोड 3 ,फुलंब्री 5, पैठण चार, तर भोकरदन विधानसभा मतदारसंघात एकही तृतीयपंथी मतदार नाही. अशा एकूण जालना विधानसभा मतदारसंघात तीन लाख 21 हजार 214, बदनापूर 3 लाख19 हजार271, भोकरदन तीन लाख 9 हजार 356, सिल्लोड 3 लाख 34 हजार 616 ,फुलंब्री 3 लाख43हजार680 ,पैठण तीन लाख 8 हजार828 असे एकूण 19 लाख 36हजार 990 मतदार जालना लोकसभा विधानसभा मतदारसंघात आहेत . मतदान केंद्र जालना विधानसभा मतदारसंघात 329, बदनापूर 358 भोकरदन, 329 सिल्लोड ,356 फुलंब्री, 355 पैठण, 334 अशा एकूण 2 हजार 61 मतदान केंद्रांची संख्या आहे.. मतदारांना त्यांच्या मतदान केंद्राची आणि मतदार यादीतील अनुक्रमांकाची माहिती तसेच भारत निवडणूक आयोगाचा qr कोड असलेली पावती बीएलओ मार्फत मतदारांना पाच दिवस अगोदर मिळेल अशी व्यवस्था करण्यात आली आहे. सर्व मतदान केंद्रे ही तळमजल्यावर ठेवण्यात आलेली आहेत. दिव्यांग मतदारांची गरज लक्षात घेता ही योजना आखली आहे. तसेच दिव्यांग मतदारांना प्रत्येक मतदान केंद्रावर णे-आण करण्यासाठी स्वयंसेवकांची व्यवस्था करण्यात येणार आहे. जालना लोकसभा मतदारसंघांमध्ये आदर्श मतदान केंद्र महिला संचलित मतदान केंद्र आणि दिव्यांग अधिकारी असलेले मतदान केंद्र त्यासोबत युवा संचलित मतदान केंद्र देखील असणार आहेत. अशा आदर्श मतदान केंद्रांची संख्या सहा महिला संचलित मतदान केंद्र ,8 दिव्यांग अधिकारी संचलित मतदान केंद्र ,सहा आणि युवा संचलित मतदान केंद्र 8 असे असणार आहेत.======
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172
