जालना- कधीकधी माणुसकीच्या भावनेतून लिफ्ट देणेदेखील चांगलेच महागात पडते. अनेक वेळा असंही होतं की या लिफ्टच्या माध्यमातून मैत्री वाढते आणि मग ती कधी अंगलट येते. प्रकार कोणताही असो परंतु जिथे इज्जतीचा प्रश्न येतो तिथे माणूस घाबरून जातो. त्यातूनच एका 56 वर्षीय शिक्षकाला लिफ्टच्या माध्यमातून गळ्यात पडलेल्या प्रकरणामुळे सुमारे साडेतीन लाखाचा चुना लागला होता परंतु पोलिसांच्या वेळीच सतर्कतेमुळे टळला आहे.
जालना शहरातील अंबड चौफुलीहून अंबड कडे जाणाऱ्या इंदेवाडी च्या पाणी टाकीजवळ जगन्नाथ पांडुरंग नागरे वय 56 वर्षे राहणार समर्थ नगर हे दुचाकीवरून जात सुमारे दहा दिवसांपूर्वी जात होते. त्याचवेळी अंबड चौफुली येथून एका 32 वर्षीय महिलेने नागरे यांना लिफ्ट मागितली आणि या लिफ्टच्या दरम्यान बोलण्या बोलण्यामध्ये त्या महिलेने आपण आयुर्वेदिक औषधी विक्री करतो असे सांगितले आणि औषधीसाठी संपर्क करा असे म्हणून मोबाईल क्रमांकही दिला. त्यानंतर जगन्नाथ नागरे यांनी लिव्हरच्या औषधीसाठी या महिलेशी संपर्क केला. दिनांक 14 रोजी नागरे यांना अंबडला बोलावले अंबड मध्ये आल्यानंतर श्रीमती भुतेकर यांनी स्वतःच्या घरी न बोलवता दुसऱ्या महिलेच्या म्हणजेच या प्रकरणातील दुसरी आरोपी श्रीमती पवार हिच्या घरी पाठविले. ठरलेल्या ठिकाणी नागरे गेल्यानंतर त्या घरची महिला मात्र उलट सुलट बोलू लागली. त्यावेळी नागरे यांनी य दुसऱ्या महिलेने तुमच्याकडे पाठविले असल्याचे सांगितले त्यावरही या महिलेचे समाधान न झाल्यामुळे नागरे यांनी सदरील महिलेला फोन लावून पवार या महिलेचे घरी बोलावून घेतले आणि या महिलेच्या घरी दोन महिला आणि एक गोकर्ण जोशी नावाच्या पुरुषाने अशा तिघांनी मिळून नागरे यांना विवस्त्र केले आणि त्यांचे चित्रीकरण केले. एवढ्यावरच न थांबता चार लाखाची मागणीही केली. नाही दिले तर हे सर्वत्र दाखवल्या जाईल अशी धमकीही दिली. शेवटी हा सौदा साडेतीन लाखांमध्ये ठरला. साडेतीन लाखांपैकी एक लाख रुपये नागरे यांनी लगेच मोबाईल वरून संबंधित महिलांना देऊन टाकले. उर्वरित अडीच लाखांचा धनादेशही दिला परंतु त्या तिघांना धनादेश वटण्याची खात्री न वाटल्याने त्यांनी नागरे यांच्याकडे असलेली अंगठी आणि आधार कार्ड ठेवून घेतले. घाबरलेल्या अवस्थेत जालन्याला परत आलेल्या नागरे यांनी बँकेमध्ये जाऊन हा धनादेश न वठवण्याच्या सूचना केल्या आणि झाले ही तसेच .तो धनादेश न वाटता परत गेला. त्यामुळे त्या तिघांनी नागरेकडे तगादा लावला. नंतर नागरे यांनी तुम्ही जालन्याला या मी पैसे काढून देतो असे म्हटले. यावेळी या प्रकरणातील आरोपी श्रीमती भुतेकर वय 32, व्यवसाय आयुर्वेदिक औषधी विक्रेते, तसेच ज्या महिलेच्या घरी पाठवले होते ती महिला श्रीमती पवार वय 32 व्यावसायिक गृहिणी ,राहणार बाळा नगर अंबड आणि तिसरा आरोपी गोकर्ण पंडितराव जोशी वय 35 व्यवसाय शेती राहणार शिवाजीनगर अंबड हे तिघेही चार चाकी वाहनाने जाळण्यात आले.
दरम्यानच्या काळात प्रतिष्ठेला घाबरून जगन्नाथ नागरे यांनी कुठेही वाच्यता न करता अपर पोलीस अधीक्षक आयुष नोपाणी यांची भेट घेऊन सर्व आपबीती सांगितली होती. त्या अनुषंगाने श्री नोपानी यांनी स्थानिक गुन्हा शाखेचे पोलीस निरीक्षक पंकज जाधव यांच्याकडे हा तपास सोपवला या तपासा दरम्यान हे तिघेही आरोपी जालन्यात येत असल्याचे कळाल्यानंतर स्थानिक गुन्हा शाखेच्या पोलिसांनी या आरोपींना पकडले आणि अंबड पोलिसांच्या हवाली केले.
बातम्यांसाठी संपर्क-दिलीप पोहनेरकर,9422219172
