जालना-शहराला मिळणाऱ्या20 एमएलडी पैकी अंबड नगर पालिकेला 11 एमएलडी पाणी दिले तर पिण्यासाठी तर सोडा “धुण्यासाठी” देखील जालनेकरांना पाणी मिळणार नाही अशी भीती जालनाचे आमदार कैलास गोरंट्याल यांनी व्यक्त केलीआहे .दरम्यान शासनाच्या या निर्णयाच्या विरोधात दिनांक 15 ऑगस्ट रोजी काँग्रेसच्या सर्व माजी नगरसेवकांसह जिल्हाधिकारी कार्यालयासमोर आंदोलन करण्यात येईल असा इशारा त्यांनी दिला आहे.
जालना शहराला पाणीपुरवठा करणाऱ्या जायकवाडी येथील धरणातून जायकवाडी- जालना पाणीपुरवठा योजनेच्या माध्यमातून 20 एमएलडी पाणी उपसा करण्याची परवानगी आहे.दरम्यान जलशुद्धीकरण हे अंबडला असल्यामुळे त्या पाण्यापैकी साडेतीन एमएलडी पाणी अंबड नगरपालिका वापरते परंतु त्याची कुठलीही बिल भरत नाही. उर्वरित साडेसोळा एमएलडी पैकी दोन एमएलडी पाणी हे इतर कारणांमुळे मिळत नाही ,असे एकूण साडेपाच ते सहा एमएलडी पाणी सध्या कमी मिळते म्हणजेच 14 एमएलडी पाण्यातून 11 एम एल डी पाणी जर अंबड नगरपालिकेला दिले तर जालनेकरांना पुन्हा पूर्वीचे दिवस येतील आणि “धुण्यासाठी” देखील पाणी मिळणार नाही. त्यामुळे जालना पुन्हा ऊस पडेल अशी भीतीही आमदार गोरंटल यांनी आज पत्रकार परिषदेत व्यक्त केली.
अंबड नगरपालिकेला पाणी देण्यासंदर्भात उपमुख्यमंत्री देवेंद्र फडणवीस यांच्या अध्यक्षतेखाली दिनांक 3 जून रोजी एक बैठक पार पडली या बैठकीमध्ये बदनापूरचे आ. नारायण कुचे यांनीही मागणी केली आहे. त्यानुसार यावर कारवाई होत आहे आणि अंबड नगरपालिकेने दिनांक 12 जुलै रोजी जालना नगरपालिकेला पत्र देऊन अंबड नगरपालिकेला पाणी देण्यासाठी पाटबंधारे विभागाच्या कार्यकारी अभियंता ना हरकत प्रमाणपत्र द्यावे अशी मागणी जालना नगरपालिकेकडे केली आहे. हे प्रमाणपत्र दिल्यानंतर जालना नगरपालिकेच्या एकूण होणाऱ्या 20 एम एल डी पाणीपुरवठ्यापैकी 11 एमएलडी पाणी कमी होणार आहे .त्यामुळे अंबड पेक्षा जालना शहर मोठे असताना देखील पाणी कमी मिळणार आहे ,आणि याचे बिल जालना नगरपालिकेला भरावे लागणार आहे. माजी आमदारावर टीका करताना आमदार गोरंट्याल म्हणाले की जालनेकरांच्या मतावर निवडून आलेल्या नेत्यांना देखील या प्रश्नासंदर्भात काहीच देणे घेणे नाही, त्यामुळे जालनेकरांच्या हा जिव्हाळ्याचा आणि जगण्या मारण्याचा प्रश्न असल्यामुळे आपण याच्यावर आंदोलनासाठी सज्ज झालो असल्याचेही ते म्हणाले.
सविस्तर बातम्यांसाठी डाऊनलोड करा edtvjalna हे ॲप, किंवा आमच्या www.edtvjalna.com या वेबसाईटला भेट द्या. फक्त व्हिडिओ पाहण्यासाठी edtvjalna या youtube वर जा.
दिलीप पोहनेरकर-9422219172
