गोवंशाची कत्तल? जालना बजरंगी आक्रमक; बस स्थानकासमोर रास्ता रोको

By EdTvJune 10, 2025No Comments1 Min Read104 Views

जालना- राज्यात गोवंश हत्या प्रतिबंधात्मक कायदा लागू असताना देखील ईदच्या दिवशी गोवंशाची हत्या करण्यात आली? ही हत्या होऊ नये म्हणून गोसेवा आयोगाने देखील राज्यातील पोलीस प्रशासनाला ,कृषी उत्पन्न बाजार समितीला महानगरपालिकांना नगरपालिकांना सक्त सूचना देऊन यावर नियंत्रण ठेवण्याचे सांगितले होते .

असे असतानाही जालन्यात गोवंशाची कत्तल झाल्याचा आरोप बजरंग दलाच्या वतीने करण्यात आला . जालना शहरातील दुःखी नगर ते रामतीर्थ स्मशानभूमीच्या दरम्यान असलेल्या नदीकाठी मोठा खड्डा करून ईदच्या दिवशी कत्तल केलेल्या जनावरांचे अवशेष टाकण्यात आले. या अवशेषांची दुर्गंधी परिसरात सुटल्यानंतर सोमवारी बजरंग दलाच्या कार्यकर्त्यांनी या ठिकाणची पाहणी केल्यानंतर त्यांना गोवावंशाचे अवशेष आढळून आले आणि त्यांनी अचानक बस स्थानक परिसरात रास्ता रोको केला .