जालना जालना जिल्हा परिषदेच्या नवनियुक्त मुख्य कार्यकारी अधिकारी म्हणून श्रीमती मिन्नु पी.एम. यांनी पंधरा दिवसांपूर्वी पदभार स्वीकारला. पंधरा दिवस जिल्हा परिषदेतील कामकाजाचा अंदाज, अधिकाऱ्यांचे स्वभाव, त्यांच्या कामाचे स्वरूप ,कर्मचाऱ्यांची काम करण्याची पद्धत या सर्व गोष्टीचे परीक्षण केल्यानंतर श्रीमती मिन्नू यांनी आता प्रत्यक्ष कामाला सुरुवात केली आहे.( सविस्तर बातमी खालील व्हिडिओमध्ये)
पहिला निर्णय घेतला तो जिल्हा परिषदेच्या स्वच्छतेचा या स्वच्छते संदर्भात त्यांनी दिनांक 23 जुलैला परिपत्रक काढले आहे. या परिपत्रकानुसार कार्यालयात स्वच्छता राखणे अनिवार्य आहे.भिंती ,फर्निचर व अन्य ठिकाणी अनाधिकृत पोस्टर, कागदपत्र लावण्यास मनाई करण्यात आली आहे आणि प्रत्येक कार्यालयात अधिकृत नोटीस बोर्ड बंधनकारक करण्यात आले आहे. हे फक्त कागदोपत्रीच नव्हे तर प्रत्यक्ष कामाला सुरुवात केल्यानंतर जिल्हा परिषदेतील पायऱ्यांवरील कोपरे, वेगवेगळ्या विभागाच्या दालनातील दरवाजे आणि खिडक्या गुटके खाऊन थुंकल्यामुळे रंगलेल्या होत्या .हे सर्व स्वच्छ करण्यात आले आहे. पायऱ्यांच्या कोपऱ्यांमध्ये रंग देऊन ते पूर्ववत करण्यात आले आहेत .दारांनाही रंग देण्याचे काम सुरू झाले आहे. आता यापुढे जर कोणी थुंकताना आढळले तर पाच हजार रुपयांचा दंडही ठोठावला जाणार आहे .बाहेरून येणाऱ्या साठी हा रोखेने भरावा लागेल आणि कर्मचाऱ्यांचा त्यांच्या पगारातून कपात केला जाईल. दरम्यान दोन दिवस ही मोहीम सुरू असतानाच शिस्त नसलेल्या लोकांनी पुन्हा स्वच्छ केलेल्या ठिकाणी थुंकण्यास सुरुवात केल्यामुळे श्रीमती मिन्नु यांनी खंत व्यक्त केली आहे.
असाच जर प्रकार होत राहिला तर दंडामध्ये रक्कम वाढ करावी लागेल असेही त्या म्हणाल्या. स्वच्छता ठेवण्याची जबाबदारी ही त्या- त्या विभाग प्रमुखांवर सोपविण्यात आली आहे. Edtv News च्या वतीने बेशिस्त कर्मचाऱ्यांना आळा घालण्यासाठी काय उपाययोजना करणार? या प्रश्नावर मात्र त्यांनी मौन बाळगले. कदाचित येत्या काही दिवसांमध्ये सकाळी दहा वाजता त्या जिल्हा परिषदेच्या प्रवेशद्वारात खुर्ची टाकून बसण्याची शक्यता नाकारता येत नाही.
FOLLOW US
https://youtube.com/@edtvjalna5167(pls subscribe channel)
https://whatsapp.com/channel/0029Va9fkuo4Y9ljnnBTX80w
https://www.instagram.com/edtvjalna?utm_source=qr&igsh=MWc3aHd3cW53aWdvZQ==
https://www.facebook.com/share/1JF6uiMsj5/
follow this link to join whatsApp group
https://chat.whatsapp.com/LLzwFQ46sP53ccxTS3XtVa
*दिलीप पोहनेरकर * ९४२२२१९१७२
