स्वप्नांची दुनिया- आरती जोशी

अंतःकरणातील भाव भावनांचा उत्कट शब्दातीत अविष्कार उस्फूर्तपणे जेव्हा येतो तेव्हाच ‘कविता’ जन्म घेते. अशा निर्मितीच्या शब्दकळा जाणिव- नेणीवेच्या पातळीवर कवी अनुभवत असतो… कवी त्याची कविता आणि कवितेचा भवताल साहित्याचा विषय होतो..अशा कवितेच्या प्रांतात उपक्रमशील शिक्षिका आरती जोशी यांची कविता नवी वाट शोधू पाहत आहे…’स्वप्नांची दुनिया ‘ या कवितेतून शोध आहे तो, पडलेल्या स्वप्नांचा आणि पूर्ण करण्यासाठीच्या प्रयत्नांचा..कवयित्री जोशी यांची कविता स्वप्नांतून वास्तवाकडे घेवून जाणारी आहे..पहिल्या सदरात कवितेचा रसिकतेने अर्थ समजावून घेवूया..