छत्रपती संभाजीनगर- देवदर्शन करून घरी परतणाऱ्या दांपत्याच्या कारलाआज पहाटे अपघात झाला. पहाटे सहा वाजता झालेल्या या अपघातामध्ये पती ठार तर पत्नी आणि मुलगी गंभीर जखमी झाल्याची घटना करमाडच्या जवळ असलेल्या जयपूर शिवारात घडली
जिल्हा स्त्री रुग्णालय अकोला येथे परिचारक( मेल स्टाफ नर्स) म्हणून काम करत असलेले सुशील कुमार डी. थोरात हे काल रात्री कोल्हापूरला मुक्कामाला होते. देवीचे दर्शन घेऊन ते शिर्डीला आले आणि शिर्डीच्या साईबाबांचे दर्शन घेऊन आज ते अकोल्याकडे निघाले होते. पहाटे सहा वाजेच्या सुमारास करमाड जवळ जयपूर शिवारात त्यांचा कार वरील ताबा सुटला आणि कार रस्त्याच्या खाली जाऊन आदळली. या अपघातामध्ये सुशील कुमार थोरात यांचा जागीच मृत्यू झाला आहे ,तर त्यांची पत्नी आणि एक पाच वर्षाची मुलगा गंभीर जखमी झाला आहे .घटनेची माहिती मिळताच महामार्गावर मदत कार्य करणारे डॉ. मनोज वाळके, शुभम फुके, अमोल नागरे, कृष्णा नागरे, प्रशांत शेळके, आणि रुग्णवाहिका चालक आनंद भोरे यांनी घटनास्थळी धाव घेऊन कारचा पत्रा फाडून जखमींना बाहेर काढले .दरम्यान सुशील कुमार थोरात यांच्याजवळ सापडलेल्या आधार कार्ड नुसार त्यांचा पत्ता हा घर नंबर 95 दोन फैल, शिरपूर जैन सहकारी दूध डेरी च्या मागे मालेगाव, वाशिम. असा दिलेला आहे. कार क्रमांक एम एच 30 बीपी 97 93 या वाहनाने ते अकोल्याकडे जात होते.
अधिक बातम्या पहाण्यासाठी https://edtvjalna.com https://play.google.com/store/apps/details?id=com.jalna.edtv दिलीप पोहनेरकर,9422219172
