बुलडाणा- “लातों के भूत बातों से नही मानते” हिंदीतील या मुहावऱ्यावर कदाचित या शिवा महाराजांचा विश्वास असावा ,म्हणून ज्यांच्या अंगात भूत आहे अशा व्यक्तींच्या झिंज्या धरून त्यांना बेदम मारहाण केल्यामुळे आणि आदळ आपट करायला लावल्यामुळे कदाचित अंगातील भूत निघून जाईल असा अंधविश्वास या महाराजांचा असावा. त्यासोबत व्यसनमुक्ती म्हणजे दारू सोडवण्यासाठी देखील त्यांचा हाच उपाय लागू होत असावा, म्हणून तरुणाला दारू मुक्त करण्यासाठी बेदम मारहाण करण्यात आली या दोन्ही प्रकाराचे व्हिडिओ आता व्हायरल झाले आहेत आणि महाराज चांगलेच अडचणीत आले आहेत. आता यांना महाराज म्हणायचं की भोंदू बाबा हे कायदाच ठरवेल.
बुलडाणा तालुक्यातील घाटनांद्रा गावाजवळील एका आश्रमात चपटा – बुक्क्यांचा मार देऊन दारू सोडविण्याचा उपचार केल्या जात असल्याचा व्हिडिओ समाज माध्यमावर व्हायरल झाला होता. याची दखल घेत रायपुर पोलीस अधिकारी दुर्गेश राजपूत यांनी या प्रकरणाची तात्काळ माहिती घेवुन सदर प्रकरणातील पिडीत व्यक्तीचा शोध घेतला. त्यानुसार तो राजेश श्रीराम राठोड वय 36 वर्षे रा.
माळेगांव ता मंठा जि जालना . येथील असल्याचे निष्पन्न झाले .या मारहाणी प्रकरणी शिवगीरी महाराज यांचे विरूध्द पोलीस स्टेशन रायपुर येथे श्रीराम राठोड तक्रारीवरून मारहाणीचा गुन्हा दाखल करण्यात आला आहे.
शिवा महाराजांचा पुन्हा एक व्हिडिओ व्हायरल… शिवा महाराज यांचा पुन्हा एक व्हिडिओ व्हायरल झाला आहे.. ज्यामध्ये ते एका मुलीला मारहाण करत आहेत, तर व्हिडिओ मध्ये भूतबाधा उतरवत असल्याचा संवाद देखील ऐकायला येत आहे.. दोन दिवसांपूर्वीच दारू सोडवण्याच्या नावाखाली एका व्यक्तीला बेदम मारहाण करत असल्याचा महाराजांचा व्हिडिओ व्हायरल झाला होता, त्यावरून शिवा महाराजांवर रायपूर पोलिसात मारहाण प्रकरणी गुन्हा दाखल करण्यात आला.. तर आता एका मुलीला देखील मारहाण करत भूतबाधा काढत असल्याचा व्हिडिओ पुन्हा एकदा व्हायरल झाला आहे, त्यामुळे संबंधित महाराजांवर जादूटोणा प्रतिबंधक कायद्यानुसार गुन्हा दाखल करण्याची मागणी अंधश्रद्धा निर्मूलन समितीकडून करण्यात आली आहे…
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172
