जालना- अंबड पंचायत समितीचे गटविकास अधिकारी यु. डी .राजपूत यांची पदोन्नती झाली आहे . पदोन्नती सोबतच त्यांची बदली ही झाली आहे. जालना जिल्हा परिषदेचे उपमुख्य कार्यकारी अधिकारी म्हणून ते आता येणार आहेत. दिनांक 3 ऑक्टोबर 2023 रोजी जालना जिल्हा परिषदेमध्ये उपमुख्य कार्यकारी अधिकारी म्हणून हजर झालेले ए. आर. चव्हाण यांची जागा ते घेणार आहेत .दरम्यान ए .आर. चव्हाण यांची बदली कुठे झाली हे मात्र आदेशामध्ये नमूद केलेले नाही.
महाराष्ट्र राज्य सेवा गट मधील गटविकास अधिकारी (S-20) संवर्गातील अधिकाऱ्यांना उपमुख्य कार्यकारी अधिकारी (S-23)अंतर्गत तात्पुरती पदोन्नती देण्याचे आदेश ग्रामविकास विभागाने काढले आहेत .या विभागाच्या आवर सचिव डॉ. उर्मिला जोशी यांनी दिनांक 24 रोजी हे आदेश काढले . बहुतांश अधिकारी हे तीन- तीन वर्ष एकाच ठिकाणी कार्यरत असतात परंतु अंकुश चव्हाण यांची अवघ्या दीड वर्षातच बदली करण्यात आली आहे. दिनांक 3 ऑक्टोबर 2023 रोजी परभणी जिल्हा परिषदेतून अंकुश चव्हाण आणि त्यांच्यासोबत उपमुख्य कार्यकारी अधिकारी म्हणून राजेंद्र तुबाकले हे दोघेही जालना जिल्हा परिषदेमध्ये हजर झाले होते.
-दिलीप पोहनेरकर,9422219172
