जालना- बीड जिल्ह्याच्या ज्ञानराला मल्टीस्टेट क्रेडिट को-ऑपरेटिव्ह सोसायटीने गुंतवणूकदारांना कोट्यावधींचा गंडा घातल्यानंतर आता याच जिल्ह्यातील राजस्थानी मल्टीस्टेट क्रेडिट को-ऑपरेटिव्ह सोसायटीने गुंतवणूकदारांना पुन्हा कोट्यावधींचा गंडा घातला आहे. जालना जिल्ह्यातील 52 गुंतवणूकदारांना चार कोटी 80 लाख रुपयांचा गंडा घातल्या प्रकरणी या क्रेडिट को-ऑपरेटिव्ह सोसायटीचे अध्यक्ष चंदुलाल बियाणी राहणार गुरुकृपा नगर परळी, यांना जालना येथे आर्थिक गुन्हे शाखेच्या पोलिसांनी बीड कारागृहातून ताब्यात घेतले आहे.
राजस्थानी मल्टीस्टेट क्रेडिट को-ऑपरेटिव्ह सोसायटीच्या जालना जिल्ह्यामध्ये तीन शाखा आहेत. या तीन शाखांपैकी सदर बाजार पोलीस ठाण्याच्या हद्दीत असलेल्या एका शाखेमध्ये या प्रकरणातील तक्रारदार केदारनाथ रामजी बुधवंत यांनी आपली रक्कम गुंतवली होती .परंतु त्यांना ती वेळेत न मिळाल्यामुळे आणि फसवणूक झाल्याचे लक्षात आल्यावर त्यांनी सदर बाजार पोलीस ठाण्यात गुन्हा नोंदवला. या गुन्ह्याच्या अनुषंगाने इतरही गुंतवणूकदारांनी फसवणूक झाल्याची तक्रार नोंदवली. त्या अनुषंगाने त्यांची बीड कारागृहात रवानगी करण्यात आली होती. अंबाजोगाई न्यायालयाच्या परवानगीने बीड कारागृहातून या प्रकरणाचे तपासी अधिकारी सहाय्यक पोलीस निरीक्षक निलेश इधाटे यांनी काल चंदुलाल बियाणी यांना मंगळवारी जालन्यात आणले आहे. रात्री उशिरा वैद्यकीय तपासणी केल्यानंतर सदर बाजार पोलीस ठाण्याच्या कोठडीत बियाणी यांचा मुक्काम होता. बुधवारी त्यांना न्यायालयात हजर केली जाईल. या तपासासाठी समाधान तेलंग्रे, गाेकुळसिंग कायटे, अंबादास साबळे, फुलासिंग गुसिंगे, गजू भोसले, श्रीकुमार आडेप, रविंद्र गायकवाड, जया निकम, मंदा नाटकर, निमा घनघाव हे कार्यरत आहेत.
महत्त्वाच्या बातम्या पाहण्यासाठी www.edtvjalna.com,आपण प्ले स्टोअर वरून edtvjalna हे ॲप डाऊनलोड करू शकता किंवा आमच्या फेसबुक इंस्टाग्राम व्हाट्सअप चैनल वर देखील बातम्या पाहू शकता Dilip Pohnerkar, –9422219172
आपण युट्युब वर व्हिडिओ पाहत असाल तर चॅनलला सबस्क्राईब करायला विसरू नका.
