जालना- कलाश्री संगीत मंडळ पुणे आणि संस्कृती मंच जालना यांच्या संयुक्त विद्यमाने जालन्यात दोन दिवसीय भारतरत्न “पं. भीमसेन जोशी संगीत महोत्सव 2022” आयोजित करण्यात आला होता. रविवार दिनांक 20 रोजी या महोत्सवाचा समारोप झाला. दोन दिवस संगीत क्षेत्रातील दिग्गजांनी आपली हजेरी लावून सेवा दिली.
दुसऱ्या दिवशीच्या संगीत महोत्सवांमध्ये सौ. संपदा दाभाडकर यांनी राग पुरिया धनश्री आणि भावगीत सादर केले. त्यांना संवादिनीवर डॉ. प्रमोद देशपांडे आणि तबल्यावर सुरेश देशपांडे यांनी साथ संगत दिली.
गेल्या 14 वर्षांपासून शास्त्रीय संगीताचे शिक्षण घेत असलेल्या तसेच संगीत विशारद आणि संगीत अलंकार पदवी प्राप्त पंडित सुधाकर चव्हाण यांनीही आपले शास्त्रीय गायन सादर केले. त्यांना साथ दिली ती हार्मोनियम वर यश खडके तबल्यावर सचिन पावगी, तानपुऱ्यावर शाश्वती चव्हाण तर ताल वाद्यावर संभाजीराव यांनी संगत दिली.
*दिलीप पोहनेरकर*९४२२२९७२
www.edtvjalna.com
