जालना -ब्राह्मण समाजाच्या वतीने बुधवार दिनांक 24 रोजी 41 बटुंवर सामूहिक उपनयन संस्कार करण्यात येणार आहेत. या संदर्भात विविध समित्या आणि बटूंना देण्यात येणाऱ्या साहित्याची तयारी पूर्ण झाली आहे. तसेच बटूंचे फक्त उपनयन नव्हे तर त्यांना संस्कारक्षम बनविण्याची जबाबदारी निरामय हॉस्पिटलच्या डॉ. पद्माकर सबनीस यांनी घेतली असल्याची माहिती समितीचे अध्यक्ष संतोष दाणी यांनी दिली.
बटूंना देण्यात येणारे सर्व साहित्य( कद, संध्या ताम्हण, प्याला, पळी, पुस्तक, आणि अन्य साहित्य) दात्यांनी उपलब्ध करून दिले आहे, तर उपनयन संस्कार झाल्यानंतर बटूंसाठी संध्या शिकवण्याची जबाबदारी निरामय हॉस्पिटलचे डॉ. पद्माकर सबनीस यांनी घेतलेली आहे. त्यामुळे फक्त संस्कार करून सोडून न देता या बटूंना संस्कारक्षम घडविण्याचाही या माध्यमातून प्रयत्न केला जाणार असल्याची माहिती देखील अध्यक्ष संतोष दाणी यांनी दिली.
सामूहिक उपनयन संस्कार समितीमध्ये कार्याध्यक्ष किरण मुळे, सचिव प्रा. डॉ. पवन देशमुख, कोषाध्यक्ष मुकुंद कुलकर्णी, उपाध्यक्ष सुरेंद्र न्यायाधीश ,भगवान पुराणिक यांच्यासह सतीश अकोलकर, शिवाजी जोशी, रवींद्र देशपांडे, डॉ. संजय रुई खेडकर, दिलीप दाणी, सुरेंद्र कल्याणकर, नितीन देव, जगदीश गौड, सतीश देशपांडे, दिलीप देशपांडे, महेश वझरकर, राजू बालूरकर, सुचित कुलकर्णी, रवी जोशी, आदींचा समावेश आहे. महिला समितीमध्ये देखील सौ.अरुणा फुलमामडीकर, सौ. मृणाल कुलकर्णी, सौ.अनिता देशपांडे, सौ. मीरा मुळे, सौ.माधुरी देशमुख ,यांच्यासह लीला पुराणीक,सौ.वंदना जोशी, सौ.अश्विनी भालेराव, सौ.निर्मला गौड यांचा समावेश आहे.
दिलीप पोहनेरकर,9422219172
,www.edtvjalna.com,you tube edtv jalna
