जालना – मी तहसीलदार आहे, तालुका दंडाधिकारी आहे. त्यामुळे माझा वरिष्ठ कोणीच नाही. अशा अविर्भावात नेहमीच वर्तणूक करून वरिष्ठांच्या आदेशाला केराची टोपली दाखविणाऱ्या जालनाच्या तहसीलदार श्रीमती छाया पवार यांचे लवकरच निलंबन होण्याची शक्यता आहे. कदाचित त्यांना या प्रकरणाविषयी कुणकुण लागली असावी म्हणूनच त्या एक महिन्याच्या वैद्यकीय रजेवर गेल्या आहेत.
सुमारे तीन वर्षांपूर्वी श्रीमती छाया पवार या जालनाच्या तहसीलमध्ये तहसीलदार पदावर विराजमान झाल्याआणि त्यावेळेस पासून त्या नेहमीच वेगवेगळ्या प्रकरणांमध्ये विशेष करून अनाधिकृत कामे, नियमबाह्य कामे, वरिष्ठ अधिकाऱ्यांनी दिलेल्या सूचनांचे पालन न करणे, अशा प्रकरणांमध्ये चर्चेत होत्या. यापूर्वी देखील त्यांचे निलंबन झाले होते.महिला तहसीलदार असल्यामुळे वरिष्ठ अधिकारी देखील त्यांच्या या वर्तणुकीकडे दुर्लक्ष करीत होते. परंतु शेवटी दुर्लक्ष तरी किती करायचे? हा प्रश्न निर्माण झाला आणि वरिष्ठ अधिकाऱ्यांनी आठ कलमी कार्यक्रम राबवत, अनेक प्रकरणांमध्ये तहसीलदारांना दोषी ठरवत शासनाकडे जालनाच्या तहसीलदार श्रीमती छाया पवार यांना निलंबित करण्यात यावे असा प्रस्ताव महसूल व वन विभागाचे अपर मुख्य सचिव यांना विभागीय आयुक्त छत्रपती संभाजीनगर यांच्यामार्फ ठविलेला आहे.
हा प्रस्ताव म्हणजे फक्त चौकशी करावी, समजते कळते, असे वाटते, अशा मोघम भाषा नसून स्पष्ट शब्दांमध्ये “श्रीमती छाया पवार यांनी महाराष्ट्र नागरी सेवा (शिस्त व अपील) 1979 चे नियम 04 अन्वये शासकीय सेवेतून निलंबित करणे बाबत प्रस्ताव सादर करण्यात येत आहे. “अशा स्पष्ट शब्दांमध्ये पाठवलेला आहे. तसेच त्यांच्या कार्यकाळात झालेल्या नियमबाह्य प्रकरणांची कार्यालयीन तपासणी करून त्यांच्याविरुद्ध महाराष्ट्र नागरी सेवा (शिस्त व अपील) 1979 चे नियम आठ अन्वये विभागीय चौकशीच्या प्रस्ताव वेगळ्याने सादर करण्याची ही सुचित केले आहे. त्यामुळे निलंबनासोबतच तहसीलदार श्रीमती छाया पवार यांची विभागीय चौकशी देखील अटळ आहे.
विशेष करून अधिकार नसताना जमिनींचे हस्तांतरण करणे आणि जे अधिकार आहेत म्हणजेच गायरान जमिनीचे शासनाने दिलेल्या निर्णयानुसार संबंधित ग्रामस्थाला हस्तांतरण करणे ही अधिकृत कामे न करता अधिकार नसलेल्या आणि न्यायालयात प्रलंबित असलेल्या, प्रकरण न्यायप्रविष्ठ आहे हे माहीत असतानाही ,न्यायप्रविष्ठ असलेल्या प्रकरणांमध्ये निकाल देणे तसेच शासनाच्या वसुलीमध्ये दिरंगाई केली, अशी सुमारे आठ कारणे दाखवत या निलंबनाचा प्रस्ताव पाठविण्यात आला आहे. कोणत्या कारणास्तव हा प्रस्ताव आहेत हे लवकरच वाचकांसमोर येईल. त्यासाठी पहात रहा www.edtvjalna.com, तसेच आमच्या YouTube, सह इंस्टाग्राम, फेसबुक , व्हाट्सअप पेजवर देखील आपण पाहू शकता.
सविस्तर आणि ताज्या बातम्या पाहण्यासाठी www.edtvjalna.com ला भेट द्या!
■आपल्या edtv news या you tube ला सबस्क्राईब करा.
■खलील लिंक वापरून आपल्या व्हाट्सअप्प चॅनल ला कनेक्ट व्हा.https://whatsapp.com/channel/0029Va9fkuo4Y9ljnnBTX80w
■दिलीप पोहनेरकर,
9422219172
