जालना- विधानसभा सार्वत्रिक निवडणूक 2024 साठी जालना जिल्हा प्रशासन सज्ज झाले आहे. निवडणुकीच्या तयारी संदर्भात जिल्हाधिकारी तथा जिल्हा निवडणूक अधिकारी डॉ. श्रीकृष्ण पांचाळ यांनी आज पत्रकार परिषदेत सविस्तर माहिती दिली. या पत्रकार परिषदेच्या वेळी पोलीस अधीक्षक अजयकुमार बंसल, जिल्हा परिषदेच्या मुख्य कार्यकारी अधिकारी श्रीमती वर्षा मीना, अप्पर जिल्हाधिकारी श्रीमती रिता मेत्रेवार, उपजिल्हा निवडणूक अधिकारी श्रीकांत हदगल यांची उपस्थिती होती. विधानसभा मतदानासाठी यावेळी पहिल्यांदाच आपला हक्क बजावणाऱ्या नव मतदारांमध्ये 33 हजार 47 उमेदवारांचा समावेश आहे त्यामध्ये 20809 पुरुष, 12336 स्त्री, तर दोन तृतीयपंथी मतदारांचा समावेश आहे.
जिल्ह्यात एकूण पाच मतदारसंघ आहेत. त्यामध्ये परतुर विधानसभा मतदारसंघात तीन लाख 17 हजार 640, घनसावंगी विधानसभा मतदारसंघात तीन लाख 24 हजार 650, जालना 3 लाख36 हजार 447, बदनापूर विधानसभा मतदारसंघ अनुसूचित जातीसाठी राखीव आहे. तिथे तीन लाख 28 हजार 109, भोकरदन तीन लाख 17 हजार 97 अशा एकूण 16 लाख 23 हजार 943 मतदारांमध्ये आठ लाख 47 हजार 777 पुरुष, सात लाख 76 हजार 126 स्त्री तर 40 तृतीयपंथी मतदार आहेत. दरम्यान अजूनही ज्या मतदारांची नावे यादीत आलेली नाहीत अशा मतदारांनी 20 ऑक्टोबर पर्यंत आपली नावे तपासावीत आणि यादीमध्ये लावून घ्यावीत असे आवाहन जिल्हाधिकाऱ्यांनी केले आहे.
सविस्तर बातमी वाचनासाठी खालील पर्याय
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172
