जालना – केंद्र शासनाने दिनांक 29 जानेवारी 2024 रोजी काढलेली अधिसूचना क्रमांक S.O. 354 (E) नुसार स्टुडंटस इस्लामिक मूव्हमेंट ऑफ इंडिया (सिमी) या संघटनेला बेकायदेशिर संघटना म्हणुन घोषित केले आहे. बेकायदेशिर कृत्ये (प्रतिबंध) अधिनियम 1967 चे कलम 3 च्या उपकलम (1) व्दारे ही कारवाई करण्यात आली आहे. याबाबत बेकायदेशीर कृत्ये (प्रतिबंधक) न्यायाधिककरण समोर सुनावणी सुरु असुन दिनांक 29 फेब्रुवारी 2024 रोजी झालेल्या सुनावणीमध्ये ‘सिमी’ संघटनेला बेकायदेशीर संघटना का घोषित केले जावू नये याबाबत सिमी संघटनेला कारणे दाखवा नोटीस बजावण्याचे आदेश न्यायाधिकरणाने दिले आहेत.
‘सिमी’ संघटनेच्या कार्यालयाला अधिसूचनेची प्रत लावणे, शक्य् असेल तिथे पदाधिका-यांना नोटीस देणे, नोंदणीकृत पोस्ट अथवा स्पिड पोस्ट अथवा कुरियरव्दारे देखील नोटीस पाठविणे. संघटनेचे कार्यक्षेत्र असलेल्या भागात लाऊडस्पिकरवर घोषणा करणे, रेडिओ, दुरदर्शनवरघोषणा करणे, प्रसारमाध्यमातून नोटीस प्रसिध्द करण्याची कार्यवाही करण्याचे न्यायाधिकरणाने आदेशित केले आहे. या अनुषंगाने न्यायाधिकरणाची पुढील सुनावणी 09 एप्रिल 2024 रोजी कोर्ट रुम नं. 16, दिल्ली हायकोर्ट, शेरखान रोड, नवी दिल्ली येथे होणार आहे, असे अपर जिल्हादंडाधिकारी यांनी प्रसिद्धी पत्रकारद्वारे कळविले आहे.
https://whatsapp.com/channel/0029Va9fkuo4Y9ljnnBTX80w
App on play store,yt-edtvjalna
–www.edtvjalna.com
https://www.instagram.com/edtv_jalna?utm_source=qr&igshid=MzNlNGNkZWQ4Mg==
-दिलीप पोहनेरकर,9422219172
