जालना- जालना शहरातील प्रसिद्ध योग शिक्षिका सौ. संगीता अलोक लाहोटी यांचा दिनांक 14 डिसेंबर2021 रोजी त्यांच्या राहत्या घरी सकाळी खून झाला होता. या खुनाचा आरोप त्यांचाच नौकर भीमराव धांडे याच्यावर करण्यात आला होता आणि या खून खटल्याची सुनावणी जिल्हा व सत्र न्यायाधीश श्रीमती वर्षा मोहिते यांच्या न्यायालयात सुरु होती. फिर्यादींच्या वतीने विशेष सरकारी वकील उज्वल निकम आणि जिल्हा सरकारी वकील बाबासाहेब इंगळे यांनी काम पाहिले. दरम्यान तीन वर्षानंतर आज दिनांक 22 जानेवारी रोजी या खटलाचा निकाल लागला आहे . जिल्हा व सत्र न्यायाधीश श्रीमती वर्षा मोहिते मॅडम यांनी आरोपी भीमराव धांडे याला जन्मठेपेची शिक्षा आणि इतरही दंड ठरवले आहेत. अवघ्या पाच मिनिटात न्यायालयाने आपला निकाल जाहीर केला. न्यायाधीश न्यायदालनात आल्यानंतर भीमराव धांडे याला खुनाचा गुन्हा सिद्ध झाल्याचे सांगितले आणि त्यावर त्याचे म्हणणे ऐकले यावेळी धांडे यांनी, हा खून मी केला नाही एवढेच सांगितले. आणि काही मिनिटातच न्यायाधीशांनी आरोपी भीमराव धांडे याला जन्मठेपेसह इतरही शिक्षा सुनावल्या.
खून खटल्याची पार्श्वभूमी– शहरात पोस्ट ऑफिस भागात राहणाऱ्या योग प्रशिक्षिका संगीता अलोक लाहोटी यांचा दिनांक 14 डिसेंबर 2021 रोजी सकाळी नऊ वाजता खून झाला होता. याप्रकरणी हर्षवर्धन अभय लाहोटी यांनी सदर बाजार पोलीस ठाण्यात तक्रार दिली होती. त्या अनुषंगाने पोलिसांनी आरोपी भीमराव निवृत्ती धांडे, राहणार मंमादेवी नगर अंबड रोड जालना या 57 वर्षीय व्यक्तीविरुद्ध भादवि कलम 302 अन्वये खुनाचा गुन्हा दाखल केला होता. दरम्यान हा गुन्हा केल्यानंतर आरोपी धांडे यांनी देखील घटनास्थळीच विष पिऊन आत्महत्याचा प्रयत्न केला होता, परंतु वेळीच हस्तक्षेप केल्यामुळे पुढील दुर्घटना टळली. फिर्यादी पक्षाच्या वतीने हा खटला चालवण्यासाठी सरकारकडे विशेष सरकारी वकील देण्याची मागणी केली होती. त्यानुसार सरकारने ही मागणी मान्य करत विशेष सरकारी वकील उज्वल निकम यांची नियुक्ती केली आहे. आज दिनांक 10 जुलैपासून या खटल्याची सुनावनि सुरू झाली होती. त्यासाठी उज्वल निकम हे स्वतः , प्रमुख जिल्हा व सत्र न्यायमूर्ती श्रीमती वर्षा मोहिते यांच्या न्यायालयात युक्तिवाद करण्यासाठी हजर झाले होते. पहिल्या दिवशी जितेंन नाथांनी आणि या प्रकरणातील तक्रारदार हर्षवर्धन लाहोटी यांच्या साक्षी घेण्यात आल्या होत्या.********************
सविस्तर बातमी पाहण्यासाठी वरील व्हिडिओ पहा.
आमच्या www.edtvjalna.com या वेबसाईटला भेट द्या. ही बातमी आपण इंस्टाग्राम ,फेसबुक, whatsapp चैनल वर देखील पाहू शकता .
-दिलीप पोहनेरकर-9422219172
